Monika Margrét Stefánsdóttir

....skólinn að komast á skrið, allar æfingar byrjaðar og gormarnir komnir í bælið á skikkanlegum tíma á kvöldin.

Það er mikil tilhlökkun hjá okkur mæðgum þar sem stefnan er tekin í Hlíðarfjall á laugardaginn um hádegi. Jana Sól er að fara í skíðaskóla Andrésar og við Malena ætlum að skella okkur með, ég á skíðum og hún á bretti. Það verður rosalega gaman að sjá hvernig henni gengur þar sem ég hef ekki farið með henni í fjallið áður.

Jana Sól var ekki í vandræðum með það að læra á skíði. Hún hafði aldrei stigið á skíði þegar að hún fór í fjallið síðasta laugardag. Börnin voru beðin um að elta þjálfarana á skíðunum og foreldrum bent á að halda sig til hlés. Þegar að ég kom svo aftur tveimur tímum seinna þá bara sá ég mína renna sér í minnstu brekkunni eins og hún hefði aldrei gert neitt annað en að vera á skíðum. Svo á sunnudeginum þá bara skutlaði ég henni aftur upp í fjall og skildi hana eftir og þegar að ég kom svo aftur tveimur tímum seinna þá var mín bara komin í næstu brekku sem er aðeins brattari og var að renna sér þar með hópnum sem hún var sett í. Ekkert smá stolt og ánægð mamma sem fylgdist með skíða drottningunni ;) 

Það eru orðin ein 8 ár síðan ég fór á skíði síðast held ég og þurfti ég að fara heim til fyrrverandi tengdaforeldra minna í dag og sækja skíðin mín..... Þannig að ég skellti þeim beint til Vidda til að láta bera undir þau þannig að ég standi ekki bara kyrr á sama stað þegar að ég ætla að fara að renna mér á laugardaginn ;)

Annars hef ég eitthvað lítið að segja í augnablikinu en ég skal koma með skemmtilega skíðasögur hér inn um helgina....

Þangað til næst...... vonandi fer ég mér ekki að voða, hugsið fallega til mín rétt eftir hádegi á laugardaginn ;)

Kveðja Mona

..... og takk öll fyrir það gamla!!!

Ég bara trúi því varla að það sé komið að enn einu nýju ári, enn eitt árið búið og ég gerði ekki næstum allt sem ég ætlaði að gera á því síðasta!!!!

Ég verð alltaf jafn hissa þegar að þetta gerist en samt gerist þetta á hverju einasta ári...

Mona ætlar að gera ákveðna hluti

Mona kemst ekki yfir ákveðna hluti

Mona er of löt til að gera ákveðna hluti

og svo bara BÚMM KOMIÐ NÝTT ÁR!!!!

En jæja ég ætla ekkert að væla eitthvað yfir því svona er ég víst bara og hef verið í rúm 30 ár og ég held ég fari ekkert að taka upp á því að breytast neitt of mikið.

Nýja árið leggst held ég bara nokkuð vel í mig, ég er að læra hér fyrir þetta eina próf mitt sem mér tókst svona snilldarlega að ná ekki en ég bara fer á mánudaginn og rúlla þessu upp, vonandi 

það eru nokkrir hlutir sem ég ætla mér að gera á nýja árinu og ég skal standa við þá alla ef ég mögulega get.....

brosa meira

hlægja meira

borða meira - minna (fer eftir vigtinni)

tala meira (hmmm eða bara svipað samt held ég fyrir ykkur hin)

æji ég ætla bara að vinna í því hörðum höndum að vera meira glöð og ánægð á nýju ári, það finnst mér gott plan

En nú er ég hætt og ætla að drattast til að halda áfram að læra....

Hafið það sem allra best á nýja árinu og takk fyrir allt gamalt og gott......

Kveðja Mona 

..... bætt við nokkrum klukkustundum í sólarhringinn

..... losnað við verkinn í bakinu á mér

..... farið í sólarlandaferð

..... eytt meiri tíma með fjölskyldunni minni

..... hitt vinkonur mínar meira

..... fengið að vita hvað ég fæ fyrir ritgerðina í Þróunarmálum

..... brosað hringin án þess að eyrun myndu stoppa það

..... gert eitthvað í landsmálunum

..... gert svo miklu miklu meira!!!!!!

En þar sem ég get það ekki þá ætla ég bara að vera alsæl með það sem ég get gert.....

ég get.......

..... reynt að skipuleggja mig betur þannig að 24 tímar nægja

..... farið í sturtu og þá skánar bakið

..... farið út að labba í snjónum og beðið eftir að komast á skíði

..... eytt tíma með fjölskyldunni í næstum mánuð í jólafríinu

..... einnig hitt vinkonur mínar í jólafríinu

..... beðið róleg, einkunnin kemur

..... brosað alveg nógu breytt þó svo að eyrun séu enn föst á mér

..... lagt mitt af mörkum en ég breyti engu í landsmálum

..... gert mitt besta hverju sinni!!!!!

Það er brjálað að gera hjá mér þessa dagana þannig að þetta verður stutt og laggot.... Vildi bara láta ykkur vita að ég er á lífi og ég segi ykkur eitthvað ferlega skemmtilegt þegar að ég verð búin í prófunum.....

þetta finnst mér hljóma alveg eins og gott plan.....  

Þangað til næst..... hafið það sem best og reynið að brosa í gegnum súrt og sætt í þjóðarmálum

Kveðja Mona

Fólk er fíbl er nokuð sem ég hef sagt annað slagið í gegnum tíðina og ég varð fyrir reynslu um helgina sem fékk mig til að styrkja þá skoðun mína enn betur.

Hvað er það sem fær fólk til að drulla yfir annað fólk?

Hvað er það sem fær fólk til að kalla annað fólk illum nöfnum?

Hvað er það sem fær fólk til að dæma annað fólk?

Hvað er það sem fær fólk til að tala um það sem það þekkir ekki?

Hvað er það sem fær fólk til þess að halda ekki kjafti og koma sér í burtu þegar það er beðið um að gera það?

Ég er að tala um algjörlega að tilefnislausu með öllu!!!

Flest fólk er fínt samt sem áður og mikið til af góðu fólki. En ég lenti í manni um helgina sem ég vona að ég sjá aldrei aftur á meðan að ég lifi. Ég þekki hann ekki neitt og ég hef ekki talað við hann en hann þekkir mann sem ég þekki og meira að segja hef ég ekki hugmynd um hvað hann heitir. En hann þekkir til mín og hann þekkir eitthvað af fólkinu mínu og hann leyfði sér fyrir vikið að segja hluti sem ég hefði aldrei ímyndað mér að ég ætti eftir að heyra. Til að gera langa sögu stutta þá varð Mona svo ofboðslega reið að hún lét hnefann tala...... En reyndar var ég búin að gefa aðvaranir en þar sem það var ekki virt þá bara endaði það svona......  

En að allt öðru og mun skemmtilegri málum.

Laugardagskvöldið var tær snilld!!!!

Ingunn, Bubbi, Valey, Hjalti, Gunni, Gunni T og ég tókum okkur til og spiluðum bæði Bíóbrot og svo eftir að strákarnir náðu að vinna okkur í því var ákveðið að taka fram Hættuspilið. Þar sem hættuspilið ber nafn með rentu þá endaði það með því að ég var orðin frekar pirruð og eiginlega á parti við það að verða reið þegar að Ingunn tók sig til og vann.

Frábært kvöld með Öllu og ég segi bara takk fyrir mig

Þangað til næst..... Horfið í hina áttina þegar að þið hittið heimskt fólk... það er ekki þess virði að eyða orku í það ;)

 Kveðja Mona

.... kom mér alveg rosalega mikið á óvart. Í síðasta bloggi hjá mér henti ég fram vangaveltum um hvað við gerum miklar kröfur til annarra og okkar sjálfra og ætla ég ekki að fara neitt út í það hér aftur heldur getið þið bara lesið síðustu færslu

En kommentin sem ég fékk á þetta blogg urðu til þess að ég sá hvað ég er ofboðslega heppin með vini og hvað ég þekki gott fólk. Ekki þar fyrir að ég vissi nú reyndar að ég á einsstakar og yndislegar vinkonur en að fá að heyra það svona beint og opinskátt frá þeim út frá eigin vangaveltum gefur manni púst um að halda áfram á sömu braut vitandi af öllum þessum stuðning.

Þannig að ég segi bara takk elsku þið fyrir að gera mig svona glaða í hjartanu

Ég er að hugsa um að hafa þetta ekkert lengra..... Kiss og knús á ykkur öll (væmið ég veit en svona líður mér bara og mér finnst allt í lagi að þið vitið af því)

Kveðja Mona